بەشداریکردنی گرووپی کۆمپانیاکانی بێستون لە دووەمین کۆڕبەندی ئابووری لە شاری سلێمانی بە ئامانجی ناساندنی زیاتری کۆمپانیا  و برەودان بە کەرتی وەبەرھێنان لە سلێمانی،  کۆڕبەندەکە تیشک خرایە سەر تاوتوێکردنی پێشکەوتنی کەرتی وەبەرهێنان و پیشەسازی. بە ئامادەبوونی دامەزرێنەرو خاوەنی گروپی کۆمپانیاکانی بێستون بەڕێز (بێستون احمد رضا)، و نوێنەرانی چەند کونسوڵخانەیەک و باڵوێزی وڵاتان لە عێراق و هەرێمی کوردستان، هەروەها وەبەرهێنەر و خاوەن کارانی ناوخۆیی و بیانی نوێنەرانی وڵاتان و چەندین کەسایەتی ناودار لە بەرواری 8/6/2023 کە بۆ ماوەی سێ رۆژ لە ھۆتێل گراند میلینیۆم بەردەوام بوو.

وەک گروپی کۆمپانیاکانی بێستون مەبەستی بەشداریکردنمان گفتوگۆ بوو سەبارەت بە پێشکەوتن و پێشخستنی کەرتەکانی وەبەرهێنان، وە هەروەها گرنگیدان بەو تازەگەرییانەی کە لە بواری بیناسازیدا بەدەست هاتوون، جێبەجێکردنی پێداویستییەکانی بازاڕی مۆدێرن وە خزمەتکردنی هاووڵاتیان و درووستکردنی هەلی کاری زیاتر لە بوارەکەدا.

ئامانجی سەرەکی کۆنفرانسەکە بریتی بوو لە بەرەوپێشبردنی کەرتی وەبەرهێنان و جەختکردنەوە لەسەر پەرەپێدانی کەرتی پیشەسازی، پشتگیریکردنی وەبەرهێنەرانی ناوخۆیی، دابینکردنی پێداویستییەکانی هاووڵاتیان وە ناساندنی بەرهەمی بیانی و تەکنەلۆژیای داهێنەرانە لە هەرێمی کوردستان.